1. proiektuaren helburuak

Lehenengo proposamena izango da inguruan dugun airea neurtzea sentsoreak erabiliz.
Horretarako, gure etxeko hezetasunaren eta tenperaturaren datuak bilduko ditugu.
Esperimentua leku desberdinetan erreproduzitzeko aukera egongo da, hala nola ikastetxean edota gertuko lorategi batean.

Lehen urratsak

Esperimentua bere horretan garatu aurretik, beharrezkoak izango diren elementuak ezagutzeari ekingo diogu:

Wifi bidez Interneterako sarbidea daukan ordenagailu eramangarria.
Arduino Cloud plataformako kontu bat. Plataforma horretan tenperaturari eta hezetasunari lotutako datuak jasoko dira grafiko moduan.
DTH11 Sentsorea. Datuak jasoko ditu: tenperatura (gradu zentigradutan) eta hezetasuna (%-tan).
Arduino MKR WiFi 1010: DTH11 sentsorearen eta Arduino Cloud plataformaren arteko zubi-lana egingo du. Hau da, DTH11 sentsorearen bitartez jasotako datuak Arduino Cloud plataformara bidaliko ditu.
Pila-euskarriak. Arduinoa ordenagailura konektatuta ez dagoenean funtzionatzen jarraitzeko izango da.
Google Authenticator aplikazioa (aukerakoa). Arduino Cloud IoT plataforman sortutako kontuari segurtasuna emateko aplikazioa.