Ongi etorri lehen esperimentazio-fasera! Lehen esperimentazio-fase honetan airearen hezetasuna eta tenperatura neurtuko ditugu. Baina, lehenik eta behin, jar dezagun Arduinoa martxan!
Lehenik eta behin, Arduino WiFi plaka beharko dugu, eta baita tenperatura eta hezetasuna neurtzeko sentsorea ere. Sentsoreari DHT11 esaten zaio. Horrekin batera, AA bikoitza motako bi pila erabiltzen dituen pila-euskarria beharko duzue. Horri esker, aukera izango duzue Arduinoa ordenagailura konektatuta ez dagoenean ere erabiltzeko.
Garrantzitsua da sentsorea plakara ondo konektatuta egotea. Horretarako, ziurtatu kable urdina lotuta dagoela sentsorearen GNDtik plakaren GNDra (hau da, lur-hargunera). Berdea, berriz, VCCtik doa (hau da, sentsorea elikatzen duen bost volteko pinaren elikadura-puntutik). Ondo funtzionatzen ari dela baieztatzeko, hemen ageri den argiak mugitzen agertu behar du.
Behin muntaketa prest eta martxan jarritakoan, datuak jasotzen hasiko gara. Arduinoak sentsoreak bidalitako datuak jasoko ditu, eta hodeian dagoen Cloud plataformara igoko ditu. Plataforman bertan ageri diren datuekin, grafiko bat edota bestelako edozein datu-tratamendu egiteko aukera izango dugu. Gainera, Arduinoa eta sentsorea Cloud plataformara konektatuta daudenez, muntaketa lekuz aldatu dezakegu, eta horrela beste puntu bateko tenperatura eta hezetasun datuak ere jasotzeko aukera izango dugu, betiere Arduinoa programatzeko erabilitako wifian mantentzen baduzue! Eta orain zuen txanda da!