Kaixo! Gaurkoan muntaketa baten azalpenarekin gatoz. Muntaketa hau bigarrenez prestatuko duzuenez, segur aski erraz egingo duzue!
Kasu honetan, Arduino plakara konektatu beharko duzue GY68 sentsorea, eta sentsoreak presio atmosferikoa neurtuko du. Sentsoreak presioa 300 hektopascaletik 1100era bitarteko tartean emango digu. Gainera, oso sentsore txikia da, eta 4 pin ditu.
Pinak konektatzeko, koloretako kableak erabiliko dituzue. Gure gomendioa da proiektu guztietan erabili duzuen antolaketa bera erabiltzea, horrela muntaketa errazagoa egingo zaizue.
Guk kable morea VCC pinetik Arduino plakaren 5 volteko elikadurarekin konektatuko dugu. Kable urdina, aldiz, aurreko proiektuan bezala, sentsorearen GNDtik plakaren GNDra bidaliko dugu; hau da, lur-hargunera. Kable berdea, berriz, sentsorearen SCLtik plakaren A5era konektatutako dugu, ordulari-seinalearen lana egin dezan. Azkenik, kable horia sentsorearen SDAtik plakaren A4ra bidaliko dugu, datuak trukatu ditzan.
Tira, hori izan da dena. Espero dugu bideo hau lagungarria izatea; bestela, gogoratu informazio gehiago duzuela webgunean kontsultagai.