Kaixo! Gaurko honetan, gai honetarako beharko dugun muntaketa nola prestatu azaltzera natorkizue. Kasu honetan, Arduino plaka, plaka elikatzeko pila-euskarria eta emariak neurtzeko sentsorea beharko ditugu muntaketarako. Horrez gain, urez betetako ontzi bat ere beharko dugu.
Adibide gisa prestatu dugun muntaketan ikus dezakezuenez, erabiliko dugun ontziaren tapan sentsorea ezarri dugu eta, horri lotuta, Arduino plaka eta elikadura-puntua ditugu. Kasu honetan, kable gorria sentsorea elikatzeaz arduratuko da, kable beltza GNDra doa, eta berdeak datuak bilduko ditu.
Sentsoreak ura ukitzen ez duenean, led RGB argia berdez agertzeko programatu dugu; aldiz, urarekin kontaktuan egonez gero, gorrira aldatzeko programatu dugu.
Aurrerago, beste bideo batean, muntaketa honekin egiteko esperimentua proposatuko dizuegu, baina, orokorrean, esan daiteke ur-kantitateak kontrolatzeko eta gainezka ez egiteko balioko digula. Orain zuei dagokizue muntaketa prestatzea!