GY-302 BH170 sentsorea egokia da estazio meteorologikoetan edota etxean egindako proiektu adimendunetan erabiltzeko. Inguruko argiaren intentsitatea neurtzeko argi-sentsore digital kalibratua da, eta argi-intentsitatea 16 biteko zenbaki gisa biltegiratzen du. Sentsoreak 0 eta 65.535 lux (Lx) bitarteko argi-intentsitatea neur dezake. 

5 pinez osatuta dago, baina guk 4 bakarrik erabiliko ditugu: 

• Arduino plakaren GND pinera konektatzen den sentsorearen GNDa (lur-hargunea). 
• Arduino plakaren 5V pinera konektatzen den sentsorearen VCCa (elikadura). 
• Arduino plakaren A5 sarrerara konektatu behar den sentsorearen SCL irteera (ordulari-seinalea). 
• Arduino plakaren A4 sarrerara konektatu behar den sentsorearen SDA irteera (datu-trukea). 
• ADDR (pin hau ez dugu erabiliko).