Jarri prestatu duzun Arduino muntaketa normalean lan egiten duzun lekuan, eta utzi denbora tarte batez. Gero, alderatu jasotako datuak beheko taula honetakoekin: 

"Light Pollution Map" webgunea mapa interaktibo bat da, eta iturri anitz erabiltzen ditu gune bakoitzeko argi-kutsadura maila era bisual batean erakusteko. Geolokalizatu zure hiria, eta jarraitu urrats hauei: 

1. Erreparatu azaltzen diren datuei.  
2. Alderatu datuak zure probintziako hiriburukoekin. 
3. Partekatu jasotakoa zure ikaskideekin. 
4. Egizue denen artean inguruko herri/hirietako argi-kutsadura jasotzen duen grafiko bat. 

Madrilgo Complutense Unibertsitateak eta "International Research Center of Big Data for Sustainable Development Goals" (CBAS) erakundeak Iberiar penintsulako bereizmen handiko argi-kutsadura kalibratuaren lehen mapa kaleratu dute, SDGSAT-1 sateliteak emandako datuen erabilerari esker: https://pmisson.users.earthengine.app/view/sdgsat-1-p-iberica    

Mapa horrek inguruko argi-iturrien kolore-tenperaturaren kalkulua egiten du. 

Bilatu Euskadi mapa horretan "RALAN-Map EU", eta alderatu zure kaleko/hiriko argi-kutsadura Euskadiko 3 hiriburuetako gune jendetsuenekin: 

1. Gasteizko Andre Maria Zuriaren Plaza.
2. Donostiako Parte Zaharra.
3. Bilboko Alde Zaharra.

1. ZATIA

• Erreparatu kolore-tenperaturari. 
• Pentsatu zer esan nahi duen. Aztertu emaitzak, eta partekatu ikaskideekin. 
• Denon artean tokiko argi-kutsaduraren mapa bat egin dezakezue, Eusko Jaurlaritzako erakunde ofizialetara bidaltzeko. 

2. ZATIA:

• Erreparatu mapak bizi zaren eremuari buruz ematen dituen datuei. Bildu kolore-tenperaturaren datuak. 
• Erreparatu zure bizi-zikloari, batez ere lo egiteko oheratzen zaren orduari, eta pentsatu zer kolore-tenperatura duzun zure inguruan. 
• Bilatu Europak argitasun-mugei/-gomendioei buruz emandako gidalerroak. 
• Hausnartu mapak adierazten duen argi-kutsaduraren mailak zure osasunean izan ditzakeen ondorioei buruz. 

Gomendioa: eskola-orduetatik kanpo egiteko borondatezko jarduera.