Zure smartphonearekin, egin publirreportaje bat bideoan, zure ikastetxean ur-uholde bat saihesteko moduari buruz. 

Horretarako, kokatu diseinatutako muntaketa zientzien laborategiko harrasketako baten goialdean. Simulatu uholde txiki bat: jarri tapoia, eta utzi txorrota irekita. Ura sentsorearen mailara iristen denean, argi gorriaren alarma aktibatuko da: une horretan itxi behar duzu iturria. 

Partekatu zure esperimentua ikaskideekin. Guztien artean, erabaki ea egokia den laborategian horrelako gailuak jarioen prebentzio gisa instalatzea. Proposamen bat egin, tutoreari STEAM Euskadirako proposamen gisa helarazteko. 

Sentsoreak leku desberdinetan (ontzietan, naturan...) aurkitu daitezkeen likido-mailak neurtzeko erabiltzen dira, eta oso erabilgarriak izan daitezke, adibidez, uholdeak saihesteko. Hori dela eta, laguntza eskatuko dizuegu erronka baterako. GOOGLE MAPS bat sortu dugu EAEko azken uholdeak non gertatu diren jasotzeko. Zuen lana bide bat sortzea izango da; zehazki, urak gainezka egin duen bide bat adierazten duena. Adibidez, beheko adibidean 2023an Araban gertatu zena jaso dugu. 

Esteka honetan, zuen ekarpena egin diezaiokezue mapari: https://www.google.com/maps/d/edit?mid=1wB1Re6Z8bY6k_x2RediGu6LAVVsmbg4&usp=sharing     

Telemetriari esker, urtegietako eta presetako ur-mailei buruzko informazioa lortu daiteke denbora errealean. Hori funtsezkoa da uraren biltegiratzea eta askatzea eraginkortasunez kudeatzeko, hornidura egokia bermatuz eta uholde- edo eskasia-egoerak saihestuz. 

Gipuzkoak Estazio iraunkorren sare bat du, denbora errealean lurraldeko estazioen ur-maila monitorizatzen duena, baita web-kamera ere, urtaro bakoitzaren egoera denbora errealean ikusteko. 

• Denbora errealeko monitorizazioa: https://www.gipuzkoa.eus/eu/web/obrahidraulikoak/hidrologia-eta-kalitatea/unean-uneko-datuak 
• Web-kamera: https://www.gipuzkoa.eus/eu/web/obrahidraulikoak/webcams   

Lantaldeak egitea ikasgelan, lantalde bakoitzak estazio iraunkor bat aukeratu dezan. Guztien artean adostu behar da datuak biltzeko ordu bera. 

Lantalde bakoitzak azterketa bat egin beharko du, adostutako ordu horretan mailaren balioa (metrotan) jasotzeko. 

Bateratutako datu guztiak jarri, eta estazio bakoitzeko taula eta grafiko bat egin. Emaitzak alderatu eta estazio bakoitzaren egoera zehaztu: 

• Estazioa alerta gorrian.
• Estazioa alerta laranjan. 
• Estazioa alerta horian.