Kokatu diseinatutako muntaketa zure etxeko edo ikastetxeko leku desberdinetan:  

• Ikastetxeko jolaslekuan. 
• Zarata handiko kale batera ematen duen leihoan. 
• Zure logelan, musika altu jarrita daukazularik.
• Bururatzen zaizkizun beste leku batzuetan. 

Egin ezazu neurketa denbora zehatz batean zehar (adibidez, ordu batez), eta begiratu ea momenturen batean balioa 2 baino altuagoa den (osasunerako gogaikarria eta kaltegarria). 

Sartu esteka honetan: https://bouncyballs.org/  

Doako online tresna bat da; zure ordenagailuko, tabletako edo mugikorreko nabigatzailetik sar zaitezke. Tresnaren helburua zarata kudeatzea da. Horretarako, pantailan ageri diren koloretako bolak errebotatuz doaz gela zehatz batean dagoen zarataren arabera, zarata era bisual batean erakusteko asmoz. Erabili ahal izateko, nahikoa da sartzeko baimena ematea erabiltzen ari zaren gailuaren mikrofonoari. 

Tresna oso erabilgarria izan daiteke, adibidez, Lehen Hezkuntzako eta Haur Hezkuntzako ikasleak zarataren inguruan kontzientziatzeko. 

Kasu honetan, proposatzen dizuegun  jarduera izango da Lehen Hezkuntzako 1. eta 6. maila bitarteko ikasgeletara joatea "bouncy balls" tresna erabiltzeko aukera ematen duen mugikor batekin. Bertan, ikasgeletan egon daitekeen gehiegizko zarataren ondorio kaltegarriak azalduko dituzue. Horretarako, ikasgelako pantailan aipatutako tresna erabil dezakezu. Jarduera burutzeko, lauko taldeak osatuko dituzue eta bakoitzak zeregin bat izango du. Hori bai, lehenik eta behin Lehen Hezkuntzako ikasgeletako tutoreekin harremanetan jarriko zarete, egin nahi duzuen proiektuaren inguruan informatzeko eta ikasgela horietan egin ahal izateko baimena eskatzeko. 

1. jardueran lortutako datuekin zarataren mapa bat (ikusi SICA atala) osatzea proposatzen dizuegu.  

Gogoratu: Arduino Cloud plataformak aukera ematen digu datuak CSV fitxategi batera esportatzeko. Plataformak "zip" artxibo konprimatuan bidaltzen ditu datu horiek, posta elektronikoz, hain zuzen ere (get data via email): 

Eskuratutako fitxategia kalkulu-orriko programa batekin ireki daiteke; GRAFIKO GEOGRAFIKO bat egiten da, zona bakoitzean ordu eta egun jakin batean jasotako balioak erakutsiz. 

Euskal Autonomia Erkidegoaren mailako datu- eta zarata-mapak esteka hauetan topatu ditzakezu:  

• https://www.euskadi.eus/zarata-mapa-totala/web01-s2ing/eu/ 
• Araba: https://irekia.araba.eus/eu/-/mapas-de-ruido  
• Bizkaia: https://www.bizkaia.eus/eu/gaia-xehetasuna/-/edukia/dt/12507  
• Gipuzkoa: https://www.gipuzkoa.eus/eu/web/errepideak/araudia-eta-agiriak/zarataren-mapa-estrategikoak?folder=47624465  
• Pasaia: https://www.pasaia.eus/eu/ingurumena-zarata-mapa  
• Donostia: https://www.donostia.eus/datuirekiak/taldeak/ingurumena  
  https://www.donostia.eus/datuirekiak/katalogoa/hirigintza-zortasun_akustikoa  

Oharra: kontuan hartu behar da hainbat datu bi edo hiru urtero eguneratzen direla.