Zaratari buruzko azaroaren 17ko 37/2003 Legea garatzen duen abenduaren 16ko 1513/2005 Errege Dekretuak, ingurune-zarataren ebaluazioari eta kudeaketari dagokionez, kutsadura akustikoari buruzko oinarrizko informazio-sistema sortzen du. 

• Kutsadura akustikoari buruzko informazioa antolatzeko datu-basea da, bereziki zarataren mapa estrategikoei eta ekintza-planei erreferentzia egiten diena.  
• Trantsizio Ekologikorako eta Erronka Demografikorako Ministerioaren mende dago, eta Ingurumen Kalitatearen eta Ebaluazioaren Zuzendaritza Nagusiak kudeatzen du. 

"Zarataren mapa estrategikoa" eskaintzen digu; hau da, hainbat mapa diseinatu dira gune zehatzetako zarata-esposizioak era orokor batean ebaluatzeko edota eremu  bateko aurreikuspen orokorrak egiteko. 

Zaraten mapa estrategikoak 4 modutakoak izan daitezke:  

• Aglomerazioa: Estatuak mugatutako lurralde-zati bat, 100.000 biztanle baino gehiago dituena eta eremu urbanizatutzat hartzen den biztanle-dentsitatearen maila duena. Udalerri bat, udalerri baten zati bat edo hainbat udalerri hartu ditzakete.  
• Bide-ardatz handia: urtean 3 milioi ibilgailu baino gehiagoko trafikoa duen eskualdeko, nazio-mailako edota nazioarteko edozein errepide. 
• Trenbide-ardatz nagusia: urtean 30.000 tren baino gehiagoko trafikoa duen edozein trenbide. 
• Aireportu handia: urtean 50.000 mugimendu (aireratzeak zein lurreratzeak) baino gehiago dituen edozein aireportu zibil, formakuntzarako erabiltzen diren aireontzi arinak izan ezik. 

Gaur egun, tresna eraikitzen ari da. Esteka honetan, proiektuaren 2022. urteko 4. faseko mapak eta datuak ikus daitezke: https://sicaweb.cedex.es/consulta-de-mapas-de-rudio/4a-fase/