Soinu kutsadura

Neurketa akustikoa

Neurketa akustikoak una eta leku jakin bateko dezibel mailaren neurketak dira. Datuak jasotzeko zarata maila kuantifikatzen duen sonometro bat erabiltzen da. Zarata neurtzeko unitateak, dezibelioak, soinu presioaren bi balioren arteko harremana adierazten du.

Zarata-maila altua izateak nekea eta estresa eragin diezaieke irakasleei, eta, gainera, arreta- eta ikaskuntza-prozesuak zaildu ditzake.

Osasunaren Mundu Erakundearen arabera, ikasgela batean 35 dezibelioko maila izatea gomendatzen da. Irizpide horren arabera, Madril eta Bartzelona bezalako hirietako ikastetxe gehienek muga hori gainditzen dute, askogatik gainera: eskola-orduetan esaterako, kanpoko zarataren batezbestekoa 53 eta 76 dB artekoa da.

Zaraten neurketa batean, 65 dezibelioko maila ozenki hitz egiten ari den jende talde baten parekoa da, edota gainezka dagoen jatetxe bat, belarritik gertu jotzen ari den telefono bat...

Historia apur bat

Dezibel terminoa XX. mendearen hasieran sortu zen, telegrafoa komunikabide bizkorrena eta herrikoiena bihurtu zenean. Kableatu-linea batek izandako galerak kuantifikatzeko beharra zela eta, bel izeneko neurria proposatu zuten Bell laborategiek (konpainiaren sortzailearen omenez, Alexander Graham Bell). Funtsean, transmisio-lerroaren indargabetze-faktorearen 10 oinarriko logaritmoa kalkulatzen zen. Neurria txikiegi gelditzen zitzaien, eta horregatik, bel baten hamarrena erabiltzen hasi ziren. Horrela, dezibelioa sortu zuten arte.

Soinu mailen adibideak

0 db. Entzumen- ataria da, isiltasuna.
0-tik 10 dB-etara (5 dezibel). Soinu maila oso baxuak, ia hauteman ezin daitezkeen soinuak. Arnasketa lasaia edota zaratarik gabe eta isolatuta dagoen haitzuloa, adibidez.
10 dB-etik 20 dB-etara (15 dezibel). Hauek ere soinu maila oso baxuak dira: xuxurlak, urratsak...
20 dB-tik 30 dB-etara (25 dezibel). Soinu maila baxua da. Adibidez, liburutegi batean, jendea isilik dagoen lekuetan, grabazio estudioetan, isolatuta eta hutsak dauden geletan, haize arinarekin zuhaitzetako hostoak mugitzerakoan...
30 dB-tik 40 dB-etara (35 dezibel). Soinu maila ertaina da: elkarrizketa normal bat, jarduera gutxiko gela bat, egun lasai bat mendian, olatu txikiak itsasoan, bizitegi eremu lasai bat...
40 dB-tik 50 dB-etara (45 dezibel). Soinu maila normala da. Jendez betetako gela bat, bulego bat, etxetresna elektriko batzuk, jende gutxi dabilen kale bat...
50 dB-tik 60 dB-etara (55 dezibel). Soinu maila apur bat altua da. Adibidez, xurgagailua edota irabiagailua bezalako hainbat etxetresna elektriko, kaleko jende kontzentrazioa, jarduera handiko bulegoa, mugimendu askoko kale bateko trafikoa, maila ertainean jarrita dagoen telebista...
60 dB-tik 70 dB (65 dezibel). Zarata maila handia da. Esaterako, jende asko ahots ozenez hitz egiten ari denean, jendez jositako jatetxea, belarritik hurbil joka ari den telefonoa.
70 dB-tik 80 dB-etara (75 dezibel). Soinu maila oso altua da. 75 dezibeletatik gora zaratak kalteak eragin ditzake. Oihuka mantendutako eztabaida, hiri bateko zirkulazioa, etxetresna oso zaratatsuak, gertu dagoen motor zaratatsu bat, hegazkin baten barnealdea...
80 dB-tik 90 dB-etara (85 dezibel). Maila honetako zarata kaltegarria izan daiteke denbora luzean. Tren bat, fabriketako makineria, suhiltzaileen sirenak, manifestazio zaratatsua.
90 dB-tik 100 dB-etara (95 dezibel). Zarata maila honek eragozpenak sortzen ditu eta kaltegarria izan daiteke. Gertu dagoen suhiltzaileen sirena bat, auto pilaketa batean egon daitezkeen klaxon soinuak...
100 dB-tik 120 dB-tara (110 dezibel). Maila arriskutsua da. Distantzia txikian dagoen mailu pneumatiko bat, diskoteka bat, musika kontzertu bat, petardoak, kirol estadioak une erabakigarrietan, aireratzen ari den hegazkin bat, 1 formulako lasterketa...
120 dezibeletik gora. Mina eragiten du eta entzumena galtzeko arriskua dago. 25 metro baino gutxiagora dagoen hegazkin baten aireratzea edota leherketa handia.
180 dB. Krakatoa sumendiaren erupzioa 160 km-ra edo espazio- ontzi baten aireratzea.
180 dB-tik gora. Heriotza eragin dezake.

Soinu-maila neurtzen duten monitoreak

Proiektu honen bitartez gure inguruko zarata- maila neurtzen duen gailu bat sortzen saiatuko gara: ikasgelakoa, jolastokikoa, etxeko egongelakoa...

Horretarako ondorengoa beharko dugu:

Egin nahi dugun neurketa jasotzen duen MAX9814 sentsorea.
Sentsorearen eta Arduino Cloud plataformaren arteko zubia egingo duen ARDUINO MKR WIFI 1010 plaka.
Jasotako datuak gordetzeko erabiliko den Arduino Cloud plataforma.

Ondoko lizentziak babestua Creative Commons: aitortu-PartekatuBerdin 4.0 Lizentzia