geoEuskadi

geoEuskadi Euskadiko Datu Espazialen Azpiegituraren (DEA) erreferentziako geoataria da, Euskal Autonomia Erkidegoko informazio geografikoa berrerabiltzea eta erraz zein modu eraginkorrean eskuratzea bermatzeko (esteka: https://www.geo.euskadi.eus/hasiera/).

Atari horri esker, datuak lortu ditzakegu, esate baterako, bizi garen eremuaren uholde-arriskuari buruz. Horretarako, bisorean sartu besterik ez dugu egin behar, eta geruzen zerrendan (1) hautatu:

Urak (2).
Uholde-arriskua (3).
Uholde-arriskugarritasunaren profilak (4a).
EAEko uholde-arriskua (4b).

Ondoren, mapa bat agertuko zaigu eskatutako datuekin.

Datuak

Aurreko maparen (5) behealdean dagoen erlaitzean klik eginez gero, geoEuskadik datu-taula bat erakutsiko digu.

Beste aukera batzuk

Aipatutako guztiaz gain, geoEuskadik beste aukera batzuk eskaintzen dizkigu: zooma egitea edota eskatutako mapa deskargatzea eta partekatzea, esaterako. Aukera horiek goi-eskuineko menuan daude.

Ondoko lizentziak babestua Creative Commons: aitortu-PartekatuBerdin 4.0 Lizentzia