Klima2050-Euskal Autonomia Erkidegoko Klima Aldaketaren Estrategiak, berotegi-efektuko gasen emisioen nahitaezko murrizketa sustatzeaz gain, klima-aldaketara egokitzeko premian ere jartzen du arreta. Bere helburuetako bat, izan ere, euskal lurraldean klima-aldaketarekiko erresilientzia ziurtatzea da. 

Estrategiak klima-aldaketaren arriskuei aurrea hartzeko beharra proposatzen du, berrikuntzaren, hobekuntzaren eta ezagutzaren transferentziaren bidez. Horretarako, tresna honetan aurkezten diren klima-agertokiak prestatu dira: IHOBE: http://escenariosklima.ihobe.eus/.  Euskadiko klima etorkizunean nolakoa izango den aurreikustea interes handiko informazioa da, bai eragile interesdunentzat, bai administrazio publikoentzat, bai ikerketa-taldeentzat eta baita herritarrentzat ere.