Normalean, garrantzitsua izaten da jasotako datuak beste erakunde batzuek emandakoekin alderatzea. Meteorologiaren kasuan, bi Big Data plataformatan aurkitu ditzakegu behar ditugun datuak: Euskalmeten (Euskal Autonomia Erkidegoan) eta AEMETen (Estatuan).
IOTetxea Proiektuak
Big Data
EUSKALMET
Euskal Meteorologia Agentziaren (EUSKALMET) webguneko "Behaketa" ataleko "Estazioen datuak" azpiatalean, mapa interaktibo bat ikus daiteke. Mapa horretan, Euskal Autonomia Erkidegoan dauden bilketa-estazioen eguneko eta hileko datuak lortu daitezke. Horrekin batera, tenperatura- eta prezipitazio-mapak eta Kapildui radarraren eta Meteosat satelitearen irudiak ere kontsultatu daitezke.
AEMET
AEMET Estatuko Meteorologia Agentziaren laburtzapena da. Eskaintzen dizkigun datuak Espainia osoan jasotakoak dira, eta aipagarrienak ondorengo hauek dira.
Datu klimatologikoak.
Atal honetan, hainbat datu klimatologiko kontsultatu daitezke; besteak beste, balio normalak, muturreko balioak, gainditutako atalaseak edota informazio fenologikoak eta efemerideak. Horrez gain, atlas klimatikoetarako eta ehunka urteko serieetarako sarbidea dago.
Muturreko balioak.
Serie klimatologikoen aldagai desberdinen muturreko balioak dira.
Atalaseak gainditzea.
Prezipitazio- eta haize-atalaseak zenbat egunetan gainditu diren azaltzen du.
Ondoko lizentziak babestua Creative Commons: aitortu-PartekatuBerdin 4.0 Lizentzia