Jarduera honen bitartez, jasotako urarekin hainbat ariketa egitea proposatzen dizuegu, bideoan ageri den bezala. Horretarako, jarraitu urrats hauei:  

1. Kalkulatu zilindroaren oinarriaren azalera cm2-tan. 
2. Kalkulatu jasotako uraren altuera cm-tan. 
3. Kalkulatu jasotako uraren bolumena cm3-tan. 
4. Kalkulatu prezipitazio-indizea, bolumena zati oinarriaren azalera gisa, litro/cm2-tan. 
5. Aldatu unitateak, eta lortu parametro berdinak l/m2-tan.

Euskal Meteorologia Agentzia (Euskalmet) euskal meteorologia-zerbitzua da, 1990ean Euskal Meteorologia Batzorde gisa sortu zena. Euskalmeten webgunean Euskal Autonomia Erkidegoko klimari buruzko informazioa topatu daiteke une oro. Estazioen bilatzailean sartuz gero, airearen hezetasun erlatiboaren eta tenperaturaren eguneko eta hilabeteko datuak ikus daitezke: https://www.euskalmet.euskadi.eus/behaketa/estazioen-datuak/#.  

Adibidez, grafiko honetan ikus ditzakegu 2024ko maiatzaren 3an Pasaiako Portuko estazioan jasotako datuak: 

Euskalmet-etik jasotako datuak. Tenperatura eta hezetasuna Pasaiko Portuan (Jabego publikoa). 

Proposamena:

1. Aurkitu etxetik edo ikastetxetik hurbilen daukazun estazioa.  
2. Jaso kanpoko datuak. Horretarako, jarri kontaktuan 1. moduluan diseinatutako muntaketa kanpoko airearekin (leiho batean, adibidez). 
3. Utzi bertan hainbat orduz. 
4. Alderatu zuk jasotako datuak Euskalmetek eskaintzen dituenekin. 

Galderak:

1. Desberdintasun handia al dago?
2. Datuak jasotzeko aparatuaren kokapenak eraginik al du datuak jasotzeko momentuan? 
3. Alderatu elkarren ondoan dauden eta zure muntaketatik gertu dauden bi estazio. 
4. Alderatu zure ondorioak gelakideekin. 

Proposamena

1. Kasu honetan, ura biltzeko esperimentua egingo dugu, eta prozesua hainbatetan errepikatuko dugu (lehenengo ariketa). 
2. Jasotako datuekin taula bat egingo dugu: prezipitazioa (1. ariketako 5. puntuko balioa) denborarekiko (esperimentua egin zen eguna). Egin beharreko barra grafikoak ondorengoaren antzekoa izan behar du. 
3. Euskalmeten plubiometria-datuak bilatuko ditugu, aurreko jardueran hezetasunarekin eta tenperaturarekin egin dugun bezala. 

Euskalmet-en jasotako datuak. C0EC-en plubiometria - Lasarte (Jabetza publikoa) 

Galderak:

1. Jasotako datuak benetakoak direla uste al duzu? Zergatik?
2. Partekatu zure ondorioak gainerako gelakideekin. 

Proposamena:

Bizi zaren edo zure ikastetxearen zonako presio atmosferikoa neurtuko duzu. Horretarako, erabili "Presioa neurtzea" atalaren muntaketa, datuak biltzeko eta egunean zehar nola aldatzen diren adierazten duen grafikoa egiteko. 

Adibide gisa, 2024/05/03ko Euskalmeten grafiko hau erabil dezakezue, non Pasaiako Portuko estazioan jasotako datuak erakusten diren:  

Galderak:

Jasotako datuak kontuan hartuta, nola sailkatuko zenituzke sentsoreak erakusten dizkizun balioak? Onuragarriak ala kaltegarriak dira osasunarentzat? Arrazoitu zure erantzuna, eta bateratu gelakideek lortutako emaitzekin.