Aurreko moduluan egindako jardueren osagarri gisa, jasotako euri-kantitatea ontzi batean neurtuko dugu. Etxean egindako ontzi zilindriko bat erabiliko dugu, eta beharrezkoa izango zaigu ontzi horren oinarriaren azalera zenbatekoa den jakitea. Denbora-tarte batez (egun bat adibidez) kalean utziko dugu, eta denbora horretan zenbat euri jaso duen kalkulatuko dugu. Horretarako, ontzian jasotako uraren altuera neurtu beharko dugu, eta prezipitazioak litro/m2 unitatean adierazi (hau da, jasotako uraren bolumena/ontziaren oinarriaren azalera).  

Beheko bideoan prozesu osoa ikus dezakegu: 

Bideoan ikus dezakezuenez, prezipitazioak jasotzeaz gain, datu-bilketa erraz bat ere egin dezakezue, beste sentsore bat erabiliz Bluetooth bidez aplikazio mugikor batera konektatuta. Sentsore hori VERNIER markakoa da, eta datuak jasotzeko Vernier Go Wireless aplikazioa erabiltzen da.   (https://play.google.com/store/apps/details?id=com.vernier.android.gwta )