Jarduera honek Arduino Cloud plataformarekin lehen harreman bat izateko balioko digu, baita bere funtzionalitateekin ohitzen hasteko ere: dagoeneko sortutako txantiloiak inportatzea eta IOT kontzeptuarekin esperimentatzen hastea.

Horretarako, alboko menuko "IOT Templates" aukera aztertzea proposatzen dizuegu. Atal honetan erraz inplementatzen diren proiektu asko topatuko dituzue. Asmoa, Arduino MKR Wifi 1010 plakarekin lotutako "Cloud Blink" bezalako txantiloi sinple bat aukeratzea da eta, "IMPORT TEMPLATE" aukeraren bidez, txantiloi hau gure plataformako kontura eramatea. Txantiloi horrek Arduino gailua eta sareko kredentzialak konfiguratzen eta bere taulan oinarrizko zirriborro bat kargatzen lagunduko digu. Horrela, Arduino Cloud plataformaren atal hauek landuko ditugu: Thing (gauza) bat sortu  Aldagai bat erabili  Dashboard batean datuak ikusi

Sentsoreak informazioa jasotzeaz arduratzen dira eta informazio hori Arduino Cloud plataformara bidaltzen dute Arduino MKR wifi 1010 plakaren bitartez. Proiektu honetan DTH11 sentsorea erabiliko dugu, hezetasuna eta tenperatura jasotzeko balio baitu.

DTH11 sentsoreaz gain, beste hainbat ere existitzen dira. Hurrengo proiektuetan, horiek ezagutzeko aukera izango dugu. Ariketa honen bidez, Arduino MKR Wifi 1010 plakarekin erabili daitezkeen ondorengo sentsore hauen inguruko informazioa jaso beharko duzue.

Beraz, zeregin honetan, Arduino MKR Wifi 1010 plakarekin datuak biltzeko erabil ditzakegun sentsoreei buruzko informazioa bildu nahi dugu:

• Soinua jasotzeko sentsorea.
• Presioa neurtzeko sentsorea.
• Gasak neurtzeko sentsorea.
• Uraren kalitatea neurtzeko sentsorea.

Sentsore horien inguruan jaso beharreko datuak ondorengo hauek dira:

• Sentsorearen argazkia.
• Deskribapena, erabilera eta funtzioak.
• Arduino Wifi 1010 plakarako konexio motak.
  • Pinak.
  • Konexio-diagramak.
• Non erosi daitezkeen eta prezioen alderaketa.

Kokatu DTH11 sentsorearekin prestatu duzun muntaketa zure etxe edo eskolaren barrualdean. Bildu hezetasunaren eta tenperaturaren inguruan 4/6 orduko tartean eskuratutako datuak eta egin taula bat bildutako datuekin. Jarraian, egin ezazu bi aldagaiak biltzen dituen lerro-grafiko bat, ondorengo adibide honetan ageri den bezala: 

Adierazi grafikoan zein diren aldagai bakoitzaren minimo eta maximoak. Zer ordutan izan dira? Momenturen batean, baloreak gomendatutako parametroetatik kanpo al daude?